Komerca Korespondo/Tratoj
Ni anoncas al vi nian traton de M 2550.– pagotan la 31an de Aŭgusto, kaj petas, ke vi bonvolu pagi ĝin.
La 1an nunan ni tratis sur vi por Fr. 1000.– je 15 tagoj post dato, kaj ni petas vin, pagi tiun sumon en nia debeto.
Ni havas la honoron informi vin, ke ni denove faris traton sur vi por la reguligo de niaj kontoj. Tiu ĉi nova trato de £ 75. 10. 6. pagota la 15an de la proksima monato estas rekomendita al via favora akcepto.
Ni esperas, ke vi honoros nian subskribon, kiel kutime.
Por likvidi tiun ĉi aferon, ni faris hodiaŭ
Paĝo:Borel - Komerca Korespondo, 1922.pdf/46 Paĝo:Borel - Komerca Korespondo, 1922.pdf/47
La trato foriris sen akcept-promeso, sed mi povas certigi vin, ke ĝi estos pagata.
La trato revenis kun protesto pro manko de akcept-promeso kaj de pago.
Por eviti elspezojn kaj resend-kostojn, ne faru proteston.
En okazo de nepago faru la resendon senkoste.
En nia lando oni konsentas tri-tagan atendon antaŭ protesti.
S-ro M. konsentis doni akcept-promeson por la trato de 5000 Rb. sur F. kaj Ko. por honori la subskribon de la tratintoj.