Kun ŝi mi hieraŭ promenis
Kun ŝi mi hieraŭ promenis…
Kun ŝi mi hieraŭ promenis
Tra l’kampo en flora orod’,—
La lun’ sur ĉielo nin benis
Kaj vekis la amon en kor’.
Kun ŝi mi hierau petolis
Sur herbo ĉe l’akva lazur’,—
Pri amo al ŝi mi parolis,
Pri kisoj, pri viv’ kaj plezur’.
Kaj ŝi min aŭskultis atente,
Ridetis naive al mi…
Komprenis la lingvon silente:
La lingvon de l’ama pasi’…
Kaj larmoj ekfluis torente…
Kaj amo naskiĝis ĉe ni…
Feliks Hiller.