La Sekreto de Amo

El Vikifontaro
Jump to navigation Jump to search
Indekso : La Sekreto de Amo
de William Blake
Tradukita de Clarence Bicknell

Ne esprimu vian amon;
       Amo estas nedirebla;
La venteto dolĉe spiras
        En silento nevidebla.

Mian amon mi esprimis;
        Ĉion el la koro diris;
Ŝi, malvarma kaj tremanta,
        Kun timego tuj foriris.

Baldaŭ post foriro ŝia,
        Vojaĝanto tien venis;
Nevidebla kaj silenta,
        Per ekĝem’ li ŝin forprenis.

El la angla tradukis CLARENCE BICKNELL, Bordighera, Italujo