La elmigrantoj

El Vikifontaro
Salti al navigilo Salti al serĉilo
Indekso : La elmigrantoj
de Clarence Bicknell
Publikigita en The Esperantist, oktobro 1904


La elmigrantoj

Originalaĵo de Clarence Bicknell

Li lasis min, esperoplena kaj kuraĝa,
(Ho la ventet’ somera ekĝemanta)
"Ĉe la transmara land’ mi trovos okupadon,
Kaj baldaŭ, post alveno via, eĉ riĉecon."

Li skribis, "Land’ nebela estas kaj sovaĝa,
(Ho forta vento de l’ aŭtun’ blovanta)
Sed mi laboron dolĉan havas kaj sanadon;
Rapidu do, kaj al mi portu la belecon."

Tremante mi alvenis, post danĝer’ vojaĝa,
(Ho la ventego vintra nun muĝanta)
Sed nur en Nevidebla Land’ kun li vivadon
Mi trovos, kaj la nun perditan feliĉecon.