Numero Kvin

by Halina Weinstein

Indekso : Numero Kvin (1934) de Halina Weinstein

Publikigita en Pola Esperantisto p. 107/1934

Numero Kvin

Dediĉita al D-ro Mieczysław Zamenhof.

En ĉambro mia parfumodoro,
Kaj ĝia nomo „Numero Kvin”.
Parfumojn donis al mi doktoro,
Vi ĉiuj bone jam konas lin.

  Antaŭ foriro el Varsovio
  Al la belega nia kongres’,
  La lastan lundon en la julio
  Al mi li venis. Adiaŭis, jes,

Kaj kun rideto, kaj kun modesto
Al mi donacis „Numeron Kvin”,
Ke mi dum longa lia foresto
Neniel tamen forgesu lin.

  Do, mi nun pensas pri vi, doktoro,
  Sed ankaŭ petas: memoru min.
  En ĉambro mia parfumodoro,
  Kaj ĝia nomo „Numero Kvin”.

Varsovio, 1. VIII. 1934.
Halina Weinstein.