Paĝo:Grabowski - El Parnaso de Popoloj, 1913.pdf/157

67.

Ensorĉita Rondo

El Narcyza Żmichowska

Wezmę świecę i latarnię
I głownię z komina.

—◡ | —◡ | —◡ | (—◡)

Li:

Kun kandelo kaj lanterno
Kaj brulŝtipo pina
Serĉos mi, ĉu estas ie
Honestec' knabina.

Ŝi:

Serĉos mi kun luno, steloj,
Kaj la sun' lumanta,
Eble trovos mi junulon
Kun koret' amanta.

Li:

Mi, serĉinte la knabinon,
Scias en ĉi-horo:
Por eltrovi plej honestan —
Sonu per la oro!