Ĉi tiu paĝo estis validigita
DAJA
Ĝi nur forigis la —
La malsategon.
RECHA
Bone, se vi volas.
DAJA
Ho ne, mi tute ĝin ne volas!
RECHA
Mi
Lin ĉiam ŝatos, eĉ pli multe ŝatos
Ol mian vivon: kvankam mia puls’
Per lia nura nom’ ne jam ŝanĝiĝas;
Ne plu la kor’, se mi pri li ekpensas,
Pli forte, pli rapide batas. — Kion
Mi nun babilas? — Venu al fenestro
La palmojn rigardanta.
DAJA
Sekve tamen
La malsatego ne forestas tuta.
RECHA
Nun ja la palmojn ree mi perceptos:
Ne nur sub palmoj lin.
DAJA
Malvarmo tiu
Verŝajne novan febron komencigas.
RECHA
Malvarm’! Nu, ne! — Ja ne malpli volonte
Mi vidas, kion mi kviete vidas!
