Ĉi tiu paĝo estas provlegita
NATAN
Vi do jam dume tie estis? — Vi
Kun ŝi parolis jam? — Nu? — Diru: kiel
Do Recha al vi plaĉas?
TEMPLANO
Nedireble! —
Sed — ŝin revidi — mi neniam volos!
Neniam! — Aŭ vi tuj al mi promesas,
Ke mi por ĉiam, ĉiam povos ŝin
Revidi.
NATAN
Kiel do mi tion ĉi
Komprenu?
TEMPLANO
post longa paŭzo ekfalante al lia kolo
Patro!
NATAN
Nu, junul’!
TEMPLANO
same, lasante lin
Ne filo? —
Mi petas, Natan! Ho!
NATAN
Junulo kara!
TEMPLANO
Ne filo? — Mi vin petas, vin petegas
Je la ligil’ unua de natur’ —
Al ĝi ligilojn postajn ne preferu! —
Do kontentiĝu, esti homo! — Min ne
Forpuŝu!
NATAN
Amikego…!
