Ĉi tiu paĝo estis validigita
Rideton? Mi nun volus legi el
Mieno via pridubebla, kion
Mi aŭdas tiom klare, kion vi
Aŭdeble diras. — Vi silentas? — Recha!
Li prave diris: „Ho, nur konu ŝin!“
RECHA
Pri kiu? — kiu — tion diris?
TEMPLANO
„Ho,
Nur konu ŝin!“ — min diris via patro;
Pri vi li diris.
DAJA
Ĉu ne ankaŭ mi?
Ne ankaŭ mi?
TEMPLANO
Sed kie li nun restas?
Do kie estas via patro? Ĉu
Ankoraŭ ĉe l’ sultan’?
RECHA
Sendube.
TEMPLANO
Fakte?
Ho, mi forgesemulo! — Ne! Li tie
Ne estas plu! — Li min ĉe l’ monaĥejo
Atendas. Certe! — Tion reciproke
Ni ja aranĝis, mi ekpensas. — Tuj
Mi lin renkontu!
DAJA
Mi lin renkontu! Jen afero mia.
Restadu, via moŝto; mi rapidu.
