Proletaria Kantaro/Nia Kanto

El Vikifontaro
Salti al navigilo Salti al serĉilo
1. Nia Kanto
Muziko de A. Szlendak


En ĉiuj ŝaktoj sub la tero,
En hejm’ de ĉiu suferant’,
En ĉiuj de la mond’ karceroj —
Eksonu ĉie nia kant’!

Rek.: Hej! laboristaro —
Al la finbatalo,
Leviĝu suferant’ —
Signalon donas nia kant’!

En la fabrikoj, kie muĝas
Spirego de l’ maŝin-gigant’,
En laborejoj, kie suĉas
Oferojn la ekspluatant’ —

Rek.:

Ĝin ne haltigos regnaj limoj,
Fiksitaj de la mon-regant’
Kaj la ribelon en animoj
Vekadas ĉie nia kant’!

Rek.:

En la palacoj fabrikistaj,
En hejmoj de la sanga vant’,
Paliĝos la ekspluatistoj
Je sonoj de ribela kant’.

Rek.:

Kaj kiam jugon fortaj sonoj
Forskuos jam en ĉiu land’
Do super kapitalo-tronoj
Triumfos glore nia kant’!

Rek.:


M. Michalowicz. El la pola trad. M. A.