Proverbaro Esperanta (L. Zamenhof, 2a eld.)/593
593. — Donaco nesincera estas donaco infera.
Unu fojon oni donas kaj tutan vivon fanfaronas.
Donacon reprenu kaj mian vivon ne venenu.
Ne donu kaj ne boju.
Li donas peceton da pano kaj bategon per mano.
Plena glaso da vino, sed kun guto da veneno. Li salutas profunde kaj mordas hunde.
Mielo sur lango, kaj glacio en koro.
Lango miela, sed koro kruela.
Ĉe tro ĝentila ekstero mankas sincero.