Proverbaro Esperanta (L. Zamenhof, 2a eld.)/781
781. — Alian ne mallaŭdu, vin mem ne aplaŭdu.
Ne kondamnu alian, oni vin ne kondamnos.
Kritiki estas facile, fari malfacile.
En fremda tegmento li flikas truon kaj en propra ne vidas la fluon.
Estu saĝa homo en via propra domo.
Sonorilo vokas al preĝejo kaj mem neniam eniras.
En fremda okulo ni vidas ligneron, en nia ni trabon ne vidas.
Montroj kaj konsiloj estas facilaj.
Ne ŝovu la nazon en fremdan vazon.
Aliajn gvidas kaj mem ne vidas.
Pli facile estas regi ol agi.