Revenu Vi Hejmen

El Vikifontaro
Salti al navigilo Salti al serĉilo
Indekso : Revenu Vi Hejmen
Tradukita de G. Meiron Griffith
Kimre: O Tyred Yn Ol. El The Esperanto Monthly, London n-ro 76, aprilo 1919, kaj n-ro 81, sept. 1919.

Dolora la koro, sen bril' la okul'
Ho, kie vi restas, amata karul'?
La knaboj atendas dum ĉiu moment':
Forestas vi longe sen nia konsent'.
Revenu vi hejmen, hejmen al ni
La hejmo ne estas plu hejmo sen vi!

Vi ĉiam ja estas karulo por mi;
Pro vi nur sopiras la koro en mi;
Ho, venu hometon al bela valet'
Ni tui kontentiĝos en kara hejmet'.
Revenu vi hejmen, hejmen al ni
La hejmo ne estas plu hejmo sen vi!

Kruela batalo ekvokis vin for;
Kaj ofte bategas pro tim' mia kor'.
Batalo nun ĉesu! Al via edzin'
Revenu karul', trankviligu nun min.
Ho, venu la pac': ne estu vi sklav' ;
Nun ĉesu batalo, rompiĝu la glav'!