Tra l’ Tuta Nokt’

Tra l’ Tuta Nokt’ (Aprilo 1919)

Tradukita de G. Meiron Griffith
The Esperanto Monthly (p. 8)

Elŝuti kiel:

Kimro amas sian lingvon
Tra lʼ tuta noktʼ.
Volas esti en Kimrujo
Tra lʼ tuta noktʼ.
Amas ĉiam siajn fratojn,
Siajn leĝojn, siajn morojn,
Siajn bravajn, fortajn avojn,
Tra lʼ tuta noktʼ.

Iru ni al hejmʼ kantante
Tra lʼ tuta noktʼ;
Nia lingvo estas ĉie
Tra lʼ tuta noktʼ.
Reĝu amo kaj frateco
Unueco kaj braveco
Do ni vivu en dolĉeco
Tra lʼ tuta noktʼ.