Unua Protestanta Dioservo/Ĝenerala Kanto (311)

El Vikifontaro
Ĝenerala Kanto.
(Svisa kantlibro germanlingva, No. 311.)

Ĉion faru nur kun Di’,
Ĉe Li estas via sorto,
Nek vin helpos propra forto
Se ne kun vi staros Li!
Ĉion faru nur kun Di’!

Ĉion faru nur kun Di’!
Lin sekvante kun fidelo
Ne deiros vi de l’celo,
Sed certega migras vi!
Ĉion faru nur kun Di’!

Ĉion faru nur kun Di’!
Kun kuraĝo en la koro
Plenumiĝos la laboro,
Se vi pensos nur pri Li!
Ĉion faru nur kun Di’!