Diversaj avizoj (Fervoja Esperantisto, Februaro 1911)
Pri la aliaj tekstoj kun la sama titolo, vidu Diversaj avizoj.
DIVERSAJ AVIZOJ
Ni tre petas niajn asocianojn, kaj speciale niajn delegitojn, ke ili sendu al ni raportojn pri la progresoj de la esperantista movado tra la fervojistaro en ilia urbo aŭ regiono.
La adreso de nia franca delegito, S-ro Lamy, Gabriel, estas ŝanĝita ; jen ĝi estas nun : 23, rue de la République, Somain (Nord).
Kiam tiu numero aperos, la diversaj rondirantaj kajeroj, starigitaj per studado de la demandoj proponitaj en niaj kopenhagaj kunvenoj, estos senditaj al ĉiu iniciatoro.
De nun, ni enskribos la nomojn de la asocianoj, kiuj intencas ricevi unu el tiuj kajeroj por prezenti siajn argumentojn.