Fundamenta Krestomatio (1903)/Nokt’ en la koro

by George Gordon Byron

La vojo (B. N. Delvig)

Indekso : Fundamenta Krestomatio de George Gordon Byron Tradukita de Leo Belmont Nokt' en la koro

Al brusto, al mia...

Nokt' en la koro

(El BYRON.)

Nokt' en la koro . . . la harpo kuŝas . . .
Vi tuj ekkantu, kantisto!
Se vi la kordojn de l' harpo tuŝas,
Vi miron faras, artisto.

Se kor' ankoraŭ havas esperon,
Per kanto ĝi revekiĝos;
Se la okulo kaŝis larmeron,
Denove ĝi eklarmiĝos.

Kant' via tondru mondan doloron!
La gajon mi ne komprenos . . .
Vi min plorigu, movu la koron,
Aŭ mia brust' ne eltenos.

Ĝi de suferoj longe manĝiĝis,
Silentan premis la ĉeno! . . .
La tempo venis . . . ĝi jam pleniĝis
Kiel vazet' de veneno.

LEO BELMONT.