Fundamenta Krestomatio (1903)/Plendo

by Ludwik Lejzer Zamenhof

La velo

Indekso : Fundamenta Krestomatio de Ludwik Lejzer Zamenhof Plendo

Tri palmoj

Plendo

Morto! . . . ĉio jam finita!
Kie estas do feliĉo?
Kie gloro promesita?
Mia korpo nun—dediĉo
Al la vermoj, al putrado;
La animo bona, saĝa—
La ofer' de l' neestado!

Ĝin severa kaj sovaĝa
La sendanka, senmemora,
En la tempo de vivado
La servema kaj fervora,
Senanima societo
Ekforgesos nun por ĉiam,
Kaj eĉ ĝemo kaj larmeto
Memorigos min neniam! . . .

M. SOLOVJEV.