Kelkaj fervojaj vortoj (Fervoja Esperantisto, Oktobro 1911)
Pri la aliaj tekstoj kun la sama titolo, vidu Kelkaj fervojaj vortoj.
Alarmsignalo, signalo pri danĝero.
Bremso, mekanika sistemo por malakceli, haltigi movon de trajno.
Bremsado, ago bremsi.
Bremsoŝuo, malmola maso kiu, ĉe bremso, frotas sur radon por haltigi aŭ malakceli ĝian movon.
Brulbriko, briketo el karbo, uzata por hejti.
Disko, speco de signalo diskforma, kiu signalas antaŭ stacio ĉu la fervojo estas libera.
Disrelejo aŭ Relforko, loko kie fervojo disiĝas el du novaj vojoj.
Karbumi, Akvumi, sin provizi per karbo, per akvo.
Lumoj, lanternoj aŭ lumaparatoj uzataj kiel signaloj sur fervojo.
Radringo, ringo el fero per kiu oni provizas la randon de vagona rado kaj kiu ruliĝas sur relo.
Radrondo, cirkla ekstera parto de rado, kiu ricevas la radringon.
Randelsteraĵo, elstaraĵo, kiu ĉirkaŭas la randon de la vagonaj radoj, kaj kondukas tiujn ĉi sur la reloj.
Relo, metala relo, sur kiu ruliĝas la radoj de la vagonoj.
Relkomutilo, pinta rela peco movebla kiu, en relforko, pasigas vagonojn sur la duan vojon.
Relkomutisto, oficisto, kiu funkiigas la relkomutilojn de fervojoj per specialaj regaj sistemoj.
Relkomuti, pasigi vagonojn sur duan vojon per relkomutilo.
Signalo, ĉio, kion oni konsente alprenis por montri, sciigi pri ĉeesto, okajaĵo, k. t. p.
Signali, sciigi per signalo.
Signalilo, aparato per kiu signalo estas donita al la fervojistoj.
Nepasebla signalilo, signalilo antaŭ kiu la trajno devas halti.
Pasebla signalilo, signalilo, kiun la trajno povas preteriri.
Fervojo, vojo konsistanta el du paralelaj reloj, sur kiuj ruliĝas la radoj de la vagonoj.
Jungi, alligi lokomotivon al trajno.
Bufro, sistemo provizita per fortaj risortoj, kiun oni muntas ĉe la ekstremoj de la vagonoj por estingi la interfrapojn.
Envagoniĝu ! avizo por ke la vojaĝantoj eniru la vagonojn.