Konsiloj pri Higieno/Frostabscesoj
Tradukita de Jean Borel
Esperanto-Verlag Ellersiek & Borel G. m. b. H., Berlin kaj Dresden (p. 14-15)
Esperanto-Verlag Ellersiek & Borel G. m. b. H., Berlin kaj Dresden (p. 14-15)
Elŝuti kiel: 
Frostabscesoj
Komence montriĝas malgrandaj ruĝaj ŝvelaĵoj jukaj sur la membroj; se oni tuj atentas kaj flegas, oni povas malaperigi la abscesojn post malmultaj tagoj per manrespektive pied-banoj je 32º. — Se la haŭto jam fariĝis ŝirema kaj se puso jam formiĝis, oni devas fari vespere vindaĵojn je 20º dum du horoj, poste malvarmetajn lavojn. Post kiam la malsanaj partoj fariĝis sekaj, oni frotas ilin per kokosa butero kaj surmetas ledajn gantojn aŭ similaĵojn. Ankaŭ estas rekomendindaj, ĉiutage 2—3 fojojn, varmaj lokaj banoj kun malvarmetaj surverŝoj kaj posta surgrasigo de la malsanaj lokoj per kokosa butero aŭ lanoleo.