Marŝo de maristoj

El Vikifontaro
Jump to navigation Jump to search
Indekso : Marŝo de maristoj (1889)
de Felikso Zamenhof
Publikigita en Verkoj de FeZ (reta versio)
Marŝo de maristoj

Kuraĝe ni puŝu nin for de la bordo,
Milvoĉe ektonu la kanto,
Mileĥe resonu potenca akordo
De l’ kant’ nia pri Esperanto.

Bruventoj minacas kaj krucas la vojon,
Sed mokas danĝeron remanto,
kaj kantas l’ esperon, kaj kantas la ĝojon —
La kant’ nia pri Esperanto.

Kaj tranĉas marondojn kuraĝe ŝipeto,
Al cel’ difinita naĝanta,
Ĝin gvidas, inspiras ĝin verda steleto
Kaj kant’ nia pri Esperanto.


1889.