Verkoj de FeZ/Bruas vento

El Vikifontaro
Salti al navigilo Salti al serĉilo
BRUAS VENTO.


Rondas, bruas, arbojn skuas
Bruemulo vento.
Ŝanĝas, ŝiras kaj detruas,
Tremas fundamento.
Falas branĉoj, velkas floroj,
Perdiĝas aromoj…
Eĥas dubo en la koroj,
Fidon perdas homoj.
Perdas fidon. Mala ordo
La konstruon fendas,
Homo fidon je l’ akordo
Perdas, veas, plendas…
Sed la veon la konsolo
Kaj moligas sento,
Ke plej kontraŭ ventpetolo
Staros — fundamento.
Staros firme kiel roko
Kontraŭ ventobruo,
Kaj ne ŝiros ĝin de loko
Ŝanĝatenco — skuo…