Mi ploris dum la dormo
Mi ploris dum la dormo (Oktobro 1922)
Elŝuti kiel: 
MI PLORIS DUM LA DORMO
H. HEINE
Mi ploris dum la dormo,
Mi sonĝis: vi kuŝas sub ter’
Vekiĝis mi, tra la vangoj
Ruliĝis larm’ de sufer’.
Mi ploris dum la dormo,
Mi sonĝis: vi lasis min for.
Vekiĝis, sidis mi longe
En maldolĉega plor’.
Mi ploris dum la dormo,
Mi sonĝis, vi amas min plu…
Vekiĝis mi, kaj jen eĉ nun
Ne ĉesas larmoflu’.
el la germana: K. de KALOCSAY