Nova Antologio/Du fabletoj

Du fabletoj (1909)

Tradukita de Antoni Grabowski
Nova Antologio, Jan Günther (p. 26)

Elŝuti kiel:

XIX.

DU FABLETOJ.

(El Stanislaw Jachowicz).

---

1. LA MAKULO.

Staĉjo veston makuletis,
Ploris kaj pardonon petis.
Panjo la okazon trovas
Por diri: „La veston purigi ni povas;
Sed la tuta vivo via
Restu sen makulo ia,
Ĉar vi kredu ĝin, karulo,
Ne puriĝos la makulo".

2. LA ROZO.

„Rozon vi ne tuŝu, Anjo,
La flor’ pikas“,—diris panjo;
Sed Anneto ne obeis,
Pikis sin kaj poste veis.