Originala Verkaro/V/20

by L. Zamenhof

N-ro 20.

1906^[1]

Al la redaktoro de „Esperantisten“ (P. Ahlberg, Stockholm)

 „Esperantisten“, I. Jarkolekto. 1906, n-ro 2, paĝ. 9.

 Kara sinjoro! — Kun vera plezuro mi ricevis la unuan numeron de „Esperantisten“, al kiu mi deziras plej bonan kaj konstante pligrandiĝantan sukceson. Mi ĉiam rememoras la tempon, kiam Svedujo estis la centro de nia afero kaj mi estas konvinkita, ke dank’ al la nova gazeto via lando baldaŭ denove fariĝos unu el la plej gravaj fokusoj de la esperantismo kaj la distritaj sed ne malaperintaj esperantistoj en via lando post la unuiĝo fariĝos baldaŭ potenca anaro.

Piednotoj

1. La enhavo montras, ke la letero estas skribita en Januaro 1906.