Ĉi tiu paĝo estas provlegita
[Ornamaĵo mankas]
JERZY ŻUŁAWSKI.
Pax.
I.
— Kaj kia estas la fino de ĉio-ĉi?
— Nenia.
— Estu eĉ tiel. Celante ni devas tamen scii, kion ni celas, kien? kiel? Direkto, celo, tio estas plej grava.
— Ne ekzistas celo!
— Kiel do?
— Progreso por progreso! vivo por vivo, por movado, por turniĝo…
— Ridinda. Jam pli bone estas respondi per banala frazo pri homara feliĉo.
— Feliĉo? Vi scias, ke mi timas petoli kun ĉi-tiu vorto, ĝi ŝajnas al mi mistera kaj granda, kaj tiel ofte trouzata. Mi preferas uzi la esprimon: kontentiĝo.
