La reguloj pri senpagaj biletoj por la fervojistaro diferencas ĉe la diversaj fervojoj, sed ĉiuj fervojistoj ricevas « privilegiajn » biletojn iro-reirajn sen limito por si mem kaj siaj familianoj, kiuj je ili dependas por la vivo, po kvarono de la prezo ordinara. Geinfanoj, kiuj havas aĝon de malpli ol tri jaroj, vojaĝas senpage, kaj de la tria al la dekkvina jaro ili pagas po duono de la « privilegiaj » prezoj.
La britaj vagonaroj iras sur la linio maldekstra, kvankam tio ne ĉiam okazis.
Por eviti akcidentojn, la fervojaro estas dividita per sekcioj signalaj kaj on sciiĝas pri venado de vagonaroj de signalejo al signalejo per signaloj telegrafaj. Estas neeble havi pli ol unu vagonaron inter du signalejoj samtempe, se oni obeas la regularon pri signaloj. Krom signaloj telegrafaj oni ankaŭ havas signalilojn fiksitajn, paseblajn kaj nepaseblajn. Nokte tiuj ĉi signaliloj lumiĝas per ruĝaj verdaj lumoj.
La kompanioj fervojaj ankaŭ posedas hotelojn kaj restoraciojn, kiuj troviĝas ĉe la plej gravaj stacioj. Kelkaj ŝiparoj, kiuj vojaĝadas inter Britujo, Irlando, Francujo, Holando, Belgujo, k. t. p., ankaŭ apartenas sole aŭ parte al la fervojaj kompanioj.
Por sin protekti kontraŭ la kompanioj aŭtomobilaj, la fervojaj administracioj mem starigis aŭtomobilarojn, per kiuj oni transportas pasaĝerojn kaj komercaĵojn inter sfacioj kaj vilaĝoj malproksime de la fervojoj.
(I. A. E. F. Nº 194).
| Oficiala leterpapero, | 100 folioj |
|
0,90 ₷ | afrankite | ||||||||
| » | 50 » |
|
0,50 | » | ||||||||
| Oficialaj kovertoj, | 100 ekz. |
|
0,50 | » | ||||||||
| » | 50 » |
|
0,30 | » | ||||||||
| Oficialaj poŝtkartoj | 100 » |
|
0,75 | » | ||||||||
| » | 50 » |
|
0,40 | » |
Ĉiuj mendoj estu sendataj al S-ro Bontemps, staciestro, 47, Villa de la Reine Henriette, Colombes (Seine), Francujo.
