Min, frato! La infana mia koro
Konfide metis nian tutan sorton
En lian manon. Vian entreprenon
Konfesis mi al li kaj mi tiele 20
Animon mian savis de perfido.
ORESTO.
Ĉu pace li permesas forveturon?
IFIGENIO.
Min silentigas via nuda glavo.
ORESTO (enigante la glavon en la ingon).
Parolu! mi obeas viajn vortojn.
LA SAMAJ. PILADO kaj tuj post li ARKAS (ambaŭ kun nudigitaj glavoj).
PILADO.
Ne perdu tempon! Jam la lastajn fortojn
La niaj nun kolektis; repaŝante,
Cedante malrapide, ili estas
Premataj en direkto al la maro.
Sed kian paroladon inter princoj 5
Mi vidas! Tio estas ja sendube
La respektata kapo de la reĝo!
ARKAS.
Kviete, kiel ĝi al vi konvenas,
Vi, reĝo, staras kontraŭ malamikoj.
La aroganta entrepreno estos 10
Punita baldaŭ. La anar' ilia
