Paĝo:Grabowski - El Parnaso de Popoloj, 1913.pdf/151

62.^[1]

Kiel rompita vente arbeto.

(El Włodzimierz Wolski.)

Jako od burzy krzew połamany
Tak się duszyczka stargała.

—◡ | ◡—◡ || —◡ | ◡—◡
—◡ | ◡—◡ || ◡—◡ | (—◡)

Kiel rompita vente arbeto
Estas animo la mia!
Kie vi estas, roza kroneto,
Kie vi floro lilia?

Ĉion forprenis Janko, karulo,
Kion fordoni mi povis.
Ĉie lin serĉas mia okulo,
Sed lin nenie retrovis.

Kie vi estas, falko aera,
Kie vi, mia brilanta suno?
Mi, kiel kampa flor' en aŭtuno,
Sen vi pereas mizera.

1. Poemoj No 62-65 estas arioj el opero "Halka", kun muziko de Stanisław Moniuszko.