Paĝo:Grabowski - El Parnaso de Popoloj, 1913.pdf/154

Ĉi tiu paĝo estas provlegita

65.

BRUAS PINOJ SUR DEKLIVO.

(El Włodzimierz Wolski.)

Szumią jodły na gór szczycie,
Szumią sobie w dal.

—◡ | —◡ | —(◡ | —◡)

Bruas pinoj sur deklivo,
Bruas plende for;
Por junul' malgaja vivo,
Se doloras kor'.

Ne ofendis min alia,
Sole vi, amata mia,
Oj Halino, junulino,
Sol-amata, vi!

Dum ni estis ida paro,
Mi, por Halinet',
Serĉis super abismaro
Birdojn en nestet'.

Venis mi kun bonodora
Flor' el monta mur',
El foiro kun kolora
Koraleta ŝnur'.