Paĝo:Grabowski - El Parnaso de Popoloj, 1913.pdf/227

XXVII.

Slovaka.

104.

KONSOLO.

(El Svetozar Hurban Vajansky.)

Miloval som dievĉa,
Malo sivé oĉi.

—◡ | —◡ | —◡

Griz-okulojn havis
Mia amatino;
Ŝi preferis iĝi
De ĉasist' edzino.

Ploris mi maldolĉe,
Ploris senkonsole,
Ke la griz-okuloj
Trompis min petole.

Tamen, ĉar malbona
Estas ŝi edzino,
En kantet' konsolon
Trovas mi en fino.

Dum edzin' pekema
Edzon kor-turmentas,
Pro kanteto mia
Vi amuzon sentas.

---