Ĉi tiu paĝo estis validigita
NATAN
Eĉ multe, jes! — Sed ĉiam mi ja pensis,
Derviŝ’ — derviŝo vera — el si volas
Nenion lasi fari.
DERVIŜO
Je l’ Profeto!
Ke mi ne estas vera, povas esti.
Se oni devas tamen…
NATAN
Oni devas?
Neniu devi devas! Kaj do kion
Derviŝo devus?
DERVIŜO
Kion oni petas,
Kaj kion krome li ekkonas bona.
NATAN
Je nia Di’! Vi estas prava! — Viro,
Mi ĉirkaŭprenu vin! — Ni ja amikoj
Ankoraŭ estas?
DERVIŜO
Vi eĉ ne demandas
Min, kio mi fariĝis?
NATAN
Malgraŭ tio!
DERVIŜO
Ĉu mi ne eble estas altrangulo
Vin malkonvena?
NATAN
Se nur via koro
Derviŝo restis! Ĉar la altrangulo
Nur estas via vesto…
