Ĉi tiu paĝo estis validigita
DERVIŜO
…kiu volas
Ŝatata esti. — Kio do mi estas
Ĉe la korteg’? — Divenu!
NATAN
Nur derviŝo.
Sed krome? Eble — kuirist’!
DERVIŜO
Ho ne!
Ĉu por ĉe vi forgesi la metion?
Ĉu ne kelestro eĉ? — Ho, Saladin
Pli bone konas min! — Jes, trezorestro
Li faris min.
NATAN
Li? vin?
DERVIŜO
Sed sciu:
De la trezor’ malgranda. — Lia patro
La grandan estras, tiun de la domo.
NATAN
Jen granda dom’!
DERVIŜO
Pli granda ol vi pensas;
Li taksas almozulon samrangulo.
NATAN
Sed almozulojn Saladin malamas…
DERVIŜO
Ke li ekstermi ilin ĉiujn volus,
Eĉ se per tio almozul’ li mem
Fariĝus.
NATAN
Prave! Tion ĵus mi pensis.
