Ĉi tiu paĝo estis validigita
HAFI
Pagu! Pagu!
Jen via la reĝino.
SALADIN
same
Ne validas;
Eksiĝis el la ludo.
SITTAH
Fine diru,
Ke mi la monon tuj prenigi povas.
HAFI
ankoraŭ meditante pri la ludo
Jes, certe! kiel ĉiam! — Tamen: eĉ
Se la reĝino ne valoras plu,
Vi tamen ne jam perdis.
SALADIN
alpaŝas kaj renversas la ludon
Jes, mi perdis;
Mi volas!
HAFI
Tial! — Ludo kiel gajno!
Kaj gajno kiel pago!
SALADIN
Kio estas?
SITTAH
de temp’ al tempo farante signojn al Hafi
Nenio! Li volonte kontraŭstaras;
Li ŝajne estas iom enviema.
SALADIN
Nu? Ĉu pri vi? — Pri mia fratineto?
Vi, Hafi, estas enviema?
