Ĉi tiu paĝo estas provlegita
IX
Kial, amik’, ne vizitas vi min?Mi ja brulas, finbrulas en Fajro sen fin’.
Sed neniam en ĝi
fincindriĝos mi,
nur suferos en fum’…
El post lando de Fajr’,
jen Mallum’
sen ekĉes’ por moment’
alrampadas kaj pikas min ĝi,
je l’ tempi’
per duobla langeto-serpent’…
Ho, kunlig’ de Helfajr’ kun eterna Mallum’,
ĉu min longe mordetos Vi?!
| · | · | · | · | · | · | · | · | · | · | · | · | · | · | · |
Brulas-brulas mi
en la Fajra pasi’.
Sed ekbrilos Radi’
en triumfa moment’
el homara sufer’ kaj turment’.
Tiam en kvietec’ mortos mi.
Ho, amik’,
ja ekbrilos Radi’.
Saratov, 11 Septembro 1917.
