Ĉi tiu paĝo estas provlegita
— 52 —
Don Juan
Ĝi estas unu el la grandaj eraroj, kiuj estas inter la homoj.
Sganarelo
Kio! vi ne kredas je la seneo, nek je la kasio, nek je la vino emetika?
Don Juan
Kaj kial ci volas, ke mi kredu je ili?
Sganarelo
Vi havas ja animon tre malkredeman! Tamen vi vidas, de kelka tempo, ke la vino emetika bruigas siajn ŝpinilojn[1]. Ĝiaj mirakloj konvertis la plej malkredemajn spiritojn; kaj antaŭ tri semajnoj, mi vidis, mi kiu parolas kun vi, mirindan de ĝi efikon.
Don Juan
Kaj kian?
Sganarelo
Estis viro, kiu, de ses tagoj, agoniis; oni ne sciis plu kion ordoni; kaj ĉiuj kuraciloj nenion efikis; oni ekpensis fine doni al li emetikon.
Don Juan
Li resaniĝis, ĉu ne?
Sganarelo
Ne, li mortis.
Don Juan
La efiko estas mirinda.
- ↑ Popola esprimo por diri: faras multe da bruo en la mondo.
