La libereco profundas kiel la spirito! Kiel giganto ĝi grandas!
Ĝis la ĉielo ĝi estas alvenebla; ne per ĉevalo kaj veturilo, sed sur nuboj kun la vento.
Venu, ho, venu libereco kaj regu sur la tero!
Pro la terurega sklavar-infero venu nin lumigi per radio de l’ suno!
Novan, plibonan mondon ni deziras en nia tempo.
Hin-ju, nia maljuna patro, gvidu nin!
Liberec-spirito venu kaj ŝirmu nin!
Esperantigis: I. Jurysta.
69. Ĉina laborista kanto
[1]de Can-gujang-ci
Leviĝu multsufera popolo de Ĉini’
Ja ege piedpremas nin imperiismo;
Se tuje kontraŭ ĝi ne ribelos fratoj ni —
Eterne estos ni en de mallum’ abismo.
Imperiistan premon for!
Senjuga estu lando nia.
Ĝi estas nia propra zorg’ —
Rapidu do popol’ ĉinia!
Leviĝu, ho leviĝu popolo-suferant’!
Nin fimilitaristoj ja senlime premas;
Aŭskultu! Ni ne estu kanona plu viand
Kaj tial ekribeli fine ni ja devas!
Militaristojn rabajn for!
Rompiĝu de l’ suferoj ĉeno!
Ĝi estas nia propra zorg’ —
Kaj ni komencu ĝin sen ĝeno!
- ↑ Sen melodio.
|
