Proletaria Kantaro/Fil’ de l’ labor’

El Vikifontaro
Salti al navigilo Salti al serĉilo
29. Fil’ de l’ labor’…
Sveda.
Marŝkanto.


Fil’ de l’ labor’, kolektiĝu ni ĉiuj
Al niaj fratoj en sud’ kaj en nord’!
Ĉu vi ne aŭdas sonegon de tiuj
Vortoj liberaj de bordo al bord’?

For el mallumo,
Sklavego la tag’,
Iru al gloro
Honora la ag’!

Juĝ’, kun surskribo: “vi preĝu, laboru!“
Tenis ja nin en mallum’ kaj mizer’;
|: Homa indec’ nin protekte favoru,
Justo kaj pano kaj viv’ en liber’ :|:

Ne la naturo maldolĉe disigis
Riĉan, malriĉan per akra la lim’;
Forto senkora en mondon enigis
Senegalecon per rabo kaj krim’.


Pistu en polvo
Bovidon el or’;
Flame batalu
Kun plena la kor’!

Brave premantojn ni ĵetos al tero
— Krion batalan laŭtigas la mond’ —
|: Estu konsent’ kaj kuraĝ’ nia pero
Sub la standard’ de l’ venkonta fratrond’ :|:



Copyright.svg PD-icon.svg Ĉi tiu verko estas traduko kaj havas alian statuson de kopirajto ol la aplikebla kopirajta protekto de la originala enhavo.
Originalo:

Ĉi tiu anonima aŭ pseŭdonima verko estas publikhavaĵa en Usono, ĉar ĝi estis publikhavaĵa en la lando aŭ areo de origino ekde la 1-a de januaro 1996, kaj neniam estis eldonita en Usono antaŭ tiu dato. Ĝi estas publikhavaĵa ankaŭ en aliaj landoj kaj areoj, kie la kopirajtaj limdatoj por anonimaj aŭ pseŭdonimaj verkoj estas 95 jaroj aŭ malpli depost la publikigo.

 
Traduko:

Ĉi tiu anonima aŭ pseŭdonima verko estas publikhavaĵa en Usono, ĉar ĝi estis publikhavaĵa en la lando aŭ areo de origino ekde la 1-a de januaro 1996, kaj neniam estis eldonita en Usono antaŭ tiu dato. Ĝi estas publikhavaĵa ankaŭ en aliaj landoj kaj areoj, kie la kopirajtaj limdatoj por anonimaj aŭ pseŭdonimaj verkoj estas 95 jaroj aŭ malpli depost la publikigo.