Sonoj Esperantaj/La floro

by Leo Belmont

LA FLORO.

de Ĉeslav Jankovski.

La flor’ en arbaro elkreskas… La nokto
Sur ĝi ĉiam l’ ombrojn alpelas…
La perlon de roso, la solan trezoron,
Ĝi sur folietoj ŝancelas.

Matene la brilo de suno enfalis…
La perlon de roso ĝi ŝtelas…
Kaj floro malriĉa en l’ ombro trankvila
La siajn foliojn ŝancelas…

La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Czesław Jankowski kaj de la tradukinto: Leo Belmont.