Sonoj Esperantaj/Solvita malpaco

El Vikifontaro
Salti al navigilo Salti al serĉilo


SOLVITA MALPACO.
de Kazimieĵ Glinski.


Okazis unufoje, ke pork’ kaj simio
Terure disputadis pro io!
Flugas vorto post vorto malpaca, malbela:
„Vi estas ja tiela!”… „Kaj Vi ĉi tiela!”…

Kolere fajraj ili jam ne povas koni,
Kian nomon al la dua doni!
Fine la afero estas klarigita,
Ofendigo trafa ektrovita;
Unutempa sonas krio:
„Vi — la porko!” …„Vi—simio!”…



La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Kazimierz Gliński kaj de la tradukinto: Leo Belmont.