Fundamenta Krestomatio (1903)/En sonĝo

by Ludwik Lejzer Zamenhof

En nord' unu pino...

Indekso : Fundamenta Krestomatio de Ludwik Lejzer Zamenhof En sonĝo

Lorelej'

En sonĝo

(El Heine.)

En sonĝo princinon mi vidis
Kun vangoj malsekaj de ploro,—
Sub arbo, sub verda ni sidis,
Tenante nin koro ĉe koro.

"De l' patro de l' via la krono
Por mi ĝi ne estas havinda!
For, for lia sceptro kaj trono—
Vin mem mi deziras, aminda!

—"Ne eble!" ŝi al mi rediras :
"En tombo mi estas tenata,
Mi nur en la nokto eliras
Al vi, mia sole amata!"

L. ZAMENHOF.