Nova Antologio/Via destino

Via destino (1909)

de Narcyza Żmichowska

Tradukita de Antoni Grabowski
Nova Antologio, Jan Günther (p. 19)

Elŝuti kiel:

XII.
VIA DESTINO.

(El Narcyza Żmichowska).

---

Suno hele al ni brilas,
Birdo ravas nin;
Suno lumas, birdo trilas,
Ĉio laŭ destin’.

Via koro por amado,
Frunto por kronet’,
Buŝo via por kisado,
Por kares’ manet’.

Tio estas volo Dia,
Ne malhelpu ĝin!
Amu, kisu, kara mia,
Kaj karesu min.

---