Post adiaŭa glaso en hotelo „Grand“ oni disiĝis kun kora „ĝis la revido en Aarhus la venontan jaron“.
Dum la jarkunveno estis aranĝita en hotelo „Grand“ tre riĉhava ekspozicio.
Fino Rasmussen kaj Sro Egly, kiuj estis la ĉefaj aranĝantoj de la jarkunveno, meritas dankon pro la bone aranĝita programo, same meritas ankaŭ iliaj du nelacigeblaj helpantoj, Fino Erika Olesen kaj Sro Rasmussen el Vejle.
.jpg)
Estas preskaŭ
superflue rakonti al la
tuta mondo, ke la
Komerca Ĉambro en
Los Anĝeles elsendis
Sron Parrish por fari
propagandon por la
bela Kalefornio; krom
ĉiuj Esperanto-gazetoj
ankaŭ la duon-parto
de la eŭropaj gazetoj
jam rakontis pri tio.
La ĉefa celo de ĉi-tiu
vojaĝo estas kompreneble
instigi la eŭropanojn
al elmigrado al
la kvazaŭ paradiza
lando.
Sro P., kiu estas juna kaj energia viro, bone plenumas sian taskon; pli ol unu juna kaj energia viro certe tuj decidis vojaĝi tien kaj tiakaŭze tuj komencis studi Esperanton; Sro P., kiu kompreneble ĉiam faras siajn paroladojn en Esperanto, ja rakontas, ke ĉe unu el la universitatoj en Los Anĝeles oni instruis Esp. dum la 2 lastaj jaroj, kaj ke la komerca ĉambro ankaŭ uzas Esp. k. t. p., tial junaj energiaj viroj ne kuraĝas vojaĝi Kalefornion sen Esperanto.
