Ĉi tiu paĝo ne estas provlegita
IV.
ADJEKTIVO.
Difino: vorto finata de a kaj montranta econ, staton aŭ agon[1] de substantivo.
Formoj: nominativo: a, aj; akuzativo: an, ajn.
I. Apudmetita adjektivo.
57. Apudmetita adjektivo (9, Rim. 1) akordiĝas nombre kaj kaze kun sia substantivo.
| E.: | Mia patro kaj miaj fratoj havas grandan barbon kaj nigrajn okulojn. |
| Espl.: | Mia patro. »Patro« estas en nominativo ununombra; ankaŭ »mia«. |
| Miaj fratoj. »Fratoj« estas en nominativo multenombra; ankaŭ »miaj«. | |
| Grandan barbon. »Barbon« estas en akuzativo ununombra; ankaŭ »grandan«. | |
| Nigrajn okulojn. »Okulojn« estas en akuzativo multenombra; ankaŭ »nigrajn«. |
58. Kiam apudmetita adjektivo rilatas kelkajn substantivojn en ununombro, tiam oni ordinare metas la adjektivon en multenombron. (82.)
| E.: | Mi havas akvon kaj panon freŝajn. |
Rim. »Mi havas akvon kaj panon freŝan« povus signifi, ke nur pano estas freŝa. Simile »mi havas freŝan akvon kaj panon« povus signifi, ke nur akvo estas freŝa.
- ↑ Participoj-adjektivoj estas veraj adjektivoj, kies regulojn ili sekvas.
