Paĝo:Grabowski - El Parnaso de Popoloj, 1913.pdf/90

XVIII.

Litova.

47.

KIAM ESTIS MI JUNULO.

(Popola kanto.)

Kad aŝ buvau jaun's bernelis,
Kajp jovaras żaliukielis.

—◡ | —◡ | —◡ | —◡

Kiam estis mi junulo,
Kiel verda la acero,
Havis mi tri ĉevaletojn,
Bonkurantojn, laŭ prefero.

Unu akcipitre-stria,
Dua, kiel karb' nigrulo,
Kaj la ĉevaleto tria
Estis kiel neĝ', blankulo.

Sur striul' ĝis mondofino,
Sur nigrulo al batalo,
Kaj al mia amatino
Rajdis mi sur blank-ĉevalo.