Paĝo:Grabowski - El Parnaso de Popoloj, 1913.pdf/91

Mizerul' kun grizaj haroj,
Nun soleca sen ĉevalo,
Ploras mi pri junaj jaroj:
Amo, migro kaj batalo.

---

48.

LA KORVO.

(Popola kanto.)

Ĉionai leke juodas varnas,
Snape laike baltą ranką.

—◡ | —◡ | —◡ | —◡

Nigra korvo preterflugis,
Kiu portis en la beko
Blankan manon kun ringeto.
Do mi vokis al la birdo:
— „Nigra korvo, vi el kie
Portas tiun blankan manon
Kun brilanta ringo ora?”
— „Estis mi sur kampo, kie
La batalo furiozas,
Kie estas glav-bariloj,
Kie lancoj fosas tombojn
Kaj torente sango fluas.

82