Ĉi tiu paĝo estas provlegita
Nia diligenta kolegaro
En laboro paca ne laciĝos
Ĝis la bela sonĝo de-l’ homaro
Por eterna ben’ efektiviĝos.
Dr. Ludvik Zamenhof.
3.
Al la fratoj.
Al la fratoj.
Forte ni staru, fratoj amataj,
Por nia sankta afero!
Ni bataladu kune tenataj
Per unu bela espero!
Regas ankor’e nokto sen luno,
La mondo dormas obstine,
Sed jam leviĝos bald’e la suno
Por lumi, brili senfine.
Veku, ho veku, veku konstante,
Ne timu ridon, insulton!
Voku, ho voku, ripetadante,
Ĝis vi atingos aŭskulton!
Dekon da fojoj vane perdiĝos
La voko via ridata, —
La dekunua alradikiĝos
Ed kreskos frukto benata.
