Ĉi tiu paĝo estis validigita
Simile man’ amata, iafoje,
La koron tuŝetante, ĝin ekfendas;
La koro poste krevas, kaj malĝoje
La flor’ de l’ amo pereante plendas.
Por mond-okuloj restas ĝi senvunda,
Sed ĉiam kreskas, kun mallaŭta plor’,
Vundeto delikata kaj profunda,
Ne tuŝu ĝin — rompita estas kor’!
X.
L’ ARBO DE L’ ESPERO.
L’ ARBO DE L’ ESPERO.
(El Martinez de la Rosa).
Ĉe la lulilo de l’ infano
Elkreskas l’ arbo de l’ espero,
Laŭ vent-ekblovo balancata,
Rompebla kiel trema kano.
Per feliĉeco ĝin karesas
Zefiro dolĉa dum momento;
Tuj ĝin sekigas vent’ el nordo,
Aŭ suda ĝin bruligas vento.
Nur tre malofte maturiĝas
La frukto el floraro ĉarma;
Kiele frua migdal-floro
Pereas dum maten’ malvarma.
