Ĉi tiu paĝo estas provlegita
FRATO
Por, krome, gajni tiun kronon — laŭ
La Patriark’ — neniu homo estas
Pli lerta ja ol vi.
TEMPLANO
Ol mi?
FRATO
Vi estas
Libera, povas iri kien ajn;
Konkeri urbon vi scipovas kaj
Ĝin ŝirmi; certe — laŭ la Patriarko —
Vi povas taksi kaj priskribi klare
Al la por Dio batalantoj la
Malforton kaj la forton de la duaj
De Saladin tutnove konstruitaj
Internaj muroj.
TEMPLANO
Kara frato, se mi
Nur scius la enhavon de l’ letero.
FRATO
Nu, tion — mi ja mem ne certe scias.
Sed estas la leter’ por reĝo Philipp[1]. —
La Patriarko… Mi jam ofte miris,
Ke tia sankta viro, kiu tuta
Vivadas ĝenerale en ĉiel’,
Bonvolas tamen esti instruita
Pri la aferoj de la mond’ surtera.
Ho, tio devas esti malfacila!
TEMPLANO
Daŭrigu! Nu? La Patriarko…?
- ↑ pron: Filip.
