Ĉi tiu paĝo ne estas provlegita
AKTO DUA
Sceno I
SCENO UNUA
Inverneso. Korto de la kastelo de Makbeto.
Venas BANKVO, kaj FLEANCO, portante antaŭ li torĉon.
|
<poem>BANKVO. Kioma horo, knabo? FLEANCO. La luno jam subiris: sed horbaton Mi ne ankoraŭ aŭdis. BANKVO. Lunsubiro Okazas je l' dek-dua. FLEANCO. Pli malfrue, Mi kredas. BANKVO. Bone; prenu mian glavon. En la ĉielo regas mastrumado Ŝparema, ĉiuj lampoj estingiĝis. Ĉi tion ankaŭ prenu. Forta voĉo Alvokas min ripozi, sed mi sentas Min maldormema: bonaj potenculoj, Min gardu de l' abomenindaj pensoj Malbonigantaj min dum la dormado! Eniras Makbeto, kaj Servisto kun torĉo. Al mi la glavon donu. Kiu venas? |
